Ikaskuntza-egoera honen helburu nagusia ikasleak oinarrizko programazioan sartzea eta arazo teknologikoak konpontzea da, Micro: Bit plaka eta MakeCode plataforma erabiliz. Elkarlanaren bidez, ikasleek bi jolas tradizional garatuko dituzte: "Aurpegia edo gurutzea" eta "Harria, orri edo ar".

Ikaskuntza-egoera honetako misioak gauzatuz, ikasleek Esne Bideko planeten ezaugarriak identifikatu, planetek espazioan egiten dituzten mugimenduak barneratu eta gure planetari eragiten dioten hainbat fenomeno fisiko bereiziko dituzte. 

Ikaskuntza-egoera horrek erronka bat proposatzen du, eta erronka hori misio espazial baten testuinguruan kokatzen da, non ikasleek NASAko astronauten eta ingeniarien rola hartuko duten. Gainera, arazo teknikoak konponduko dituzten robotak diseinatu, eraiki eta programatuko dituzte. 

Ikasleek taldeka lan egingo dute arazoak identifikatzeko, soluzio teknologikoak garatzeko eta diseinuak modu iteratiboan hobetzeko, akatsetik ikasiz. Proiektu honen helburua ikasleek bizitzan zehar ikasten jarraitzeko trebetasunak garatzea da, ezagutzak ematen digun konfiantzatik abiatuta. 

Programazio eta robotika proiektu kolektibo honetan parte hartzeak aukera emango die kulturak aro digitalean ematen dizkigun aukerak aprobetxatzeko, onurak eta arriskuak ebaluatuz, ingurunea hobetzen lagunduko duen erabilera arduratsua egiteko.

DBH 4ko biologiako ikasleek Kontinentearen Jitoari eta Plaken Tektonikari buruzko ezagutza zientifikoak oinarritzat hartuz, proposamen didaktiko honen bidez, lurrikaren ezugarriak eta ondorioak aztertzeaz gain, zientzietan etengabe eta modu esanguratsuan ikasteko prestatuko dituzten trebetasun kritiko, tekniko eta sozialak garatuko dituzte. Hezkuntza-esperientzia honek geologiarekiko eta, oro har, zientziarekiko jakin-mina eta interesa sustatuko ditu, eta, aldi berean, Marie Tharp bezalako figura historikoen garrantzia nabarmenduko da.

Bizitzan, ia gehienetan, tresna edota elementu hoberenek ere, gehiegizko erabilpena egiten denean, ondorio kaltegarri eta desegokiak izan ditzakete. Hauxe dugu tresna digitalen kasua; izugarrizko potentziala daukate gaur egungo arazo eta erronkei erantzuna ematen laguntzeko, baina ondorio konponezinak ekar ditzakete ondo kudeatu ezean. Izan ere, gaztetxoenen kasuan ezinbestekoa da hezkuntza digital kritiko eta eguneratua ematea, beraien osasun fisiko, mental eta emozionalean, bai eta emaitza akademikoetan ere.

Gaur egungo erronkei erantzuna emateko, kasu honetan hidrosferaren zaintzaren inguruan kontzientzia sortzea, bideo-jokoek izan dezaketen erabilgarritasuna eta baliabide digitalen erabilpen arduratsuaren garrantzia ulertzea dira proiektu honen helburu nagusiak.

Baliabide honetan zoruko hiru roboten aurkezpena, hauek nola erabili eta proposamen didaktiko ezberdinak ikusiko ditugu:

• Bee-Bot robota
• Blue-Bot robota
• Matatalab robota

Proiektu honetan LH 4, 5 eta 6. mailako ikasleek urtean zehar robotikako tailerrean ikasitako dena erabili beharko dute planteaturiko arazo-egoerari aurre egiteko.

Robot bat eraiki beharko dute. Honekin komunikatzeko hizkuntza erabiltzen ikasi eta amaitzeko robota distantziara kontrolatu beharko dute. 

Hau dena egiteko planteatuko zaien erronka Martera robot esploratzaile bat bidaltzea izango da. 

Ikas-egoera honetan STEAM eta hizkuntzak landuko ditugu. 

Proiektuan egiten den dena ikastetxeko blogean publikatuko da eta, modu honetan, ikas- komunitate guztia Marterako bidaian parte hartzaile izango da modu batean edo bestean. 

Ikas egoera honen helburua ikasleek diseinatutako belaunaldien arteko tailer batean erabiltzeko elementuak sortzea da , ondoren adineko pertsonekin erabili ahal izateko.

Abiapuntu nagusia sormena sustatzea da,prototipoak sortu eta aldi berean esaera zaharren herri tradizioa edo ahozkoa ikertu eta berreskuratzea ere bai, txikienei transmititu ahal izateko.

Diseinuaren helburua, ikasleen eta gure adinekoen artean ezagutza trukatzea da, bizitza osasuntsua bermatzea eta adin guztiontzat ongizatea sustatzea eta desberdintasunak murriztea.

Garapenean, teknologiaren erabilera kritikoa, arduratsua eta iraunkorra sustatzen da, ekarpenen balorazioa eta teknologiak gizartean eta osasunean duen eragina , eta berdintasuna eta besteekiko eta norberaren lanarekiko errespetua bultzatuko duten balioak eskuratzea ere.