Baliabide honen bidez programatzeko aldagaiak erabiltzen trebatuko zarete. Hasieran, eremu birtualean programatuko duzue eta ondoren, algoritmoa eremu errealera eramango da Micro:Bit txartela erabiliz. 

Pilota partidu bat antolatu duzue herrian. Micro:Bit txartela erabilita, partidurako bi kontagailu eraikiko dituzue:

1. Pilotalekuko aforoaren kontrola eramateko kontagailua.
2. Partiduko markagailu digitala.

Horretarako, txartelak uneoro datu batzuk gorde beharko dituenez, programatzerako orduan aldagaiak erabili beharko dituzue. 

• Aldagai bakarrarekin pilotalekuan uneoro dagoen pertsona kopurua zenbatu ahalko duzue.
• Pilota partiduko markagailua programatzeko aldagai gehiago erabili beharko dituzue.